كشفت الفنانة منة فضالي، عن رأيها في قضية الزواج من أخرى، وأن تصبح زوجة ثانية لشخص تحبه، وكذلك فكرة الزواج في سن مبكر.
تصريحات منة فضالي
قالت منة فضالي عن الزوجة الثانية: «مينفعش أبدًا أبقى زوجة تانية أنا معنديش حاجة ناقصة علشان تخليني أبقى زوجة تانية، ممكن أكون زوجة تانية لو هو مُطلق أو مراته متوفية».
وعن زواج الفتيات في سن صغير، أكدت منة فضالي أنها ضد الزواج المبكر، وأنها تزوجت بالعند في والدتها لأنها لم تكن راضية عن زوجها.
نصيحة منة فضالي للفتايات
وتابعت فضالي، نصيحة للبنات قبل الارتباط أو الاقبال على الزواج، قائلة: «ماتتجوزيش راجل أكبر منك وخصوصًا لو أكبر منك بكتير هيعاملك بطريقة غلط وهيغير عليكي بطريقة صعبة ..ما تتجوزيش راجل بخيل والكلام دا عن تجربة، وما تتجوزيش راجل مش بتحبيه ومش بتثقي فيه.. ما تعمليش حاجة وانتي مجبرة عليها علشان ترضي حد».
وأضافت: «الزواج كان تحدي لأن أمي مكانتش موافقة وأنا كنت واخداه عِند، ولكن البنات بتفهم المشاعر أكتر، ومش كل اللي بنحس بيه بجد، والحب بييجي في سن معين، وأنا ضد اللي بيتجوزوا بدري وببقى واثقة إن علاقتهم هتفشل».
كشفت فضالي أنها لم تتعرض للتحرش من قبل مجرد تحرش لفظي فقط، لافتة إلى أنها تمارس رياضة «الكيك بوكسينج»، مؤكدة: «لكن حد يقدر ييجي يتحرش بيا هياخد أكبر بوكس في حياته».
