أعلنت الفنانة فيدرا، رفضها التام لقانون تنظيم حيازة الكلاب المفترسة، حيث أنها من أكثر الفنانات اللاتي يفضلن تربية الحيوانات وخاصة الكلاب.
رد فعلها هذا، جاء بسبب ما حدث خلال الفترة الماضية، من جريمة بشعة أدت إلى وفاة مواطن مصري يُدعى محمد محب، إثر تعرضه لهجوم شرس كلب المذيعة الشهيرة أميرة شنب، من فصيلة “بيتبول” بأحد التجمعات السكنية بمنطقة الشيخ زايد.
أول تعليق من فيدرا
فيدرا تحدثت عن سر اعتراضها على هذا القانون، وقالت في تصريحات خاصة لـ”مصر الآن”: طبعا أنا معترضة ومفيش حاجة اسمها كلاب مفترسة، البني ادم بيربي كلاب من أول الكون ما بدأ.
وأضافت: المشكلة في اللي بيربوهم، ودول عددهم أقلية وإلا كانوا كل الكلاب موتوا مصر كلها، ولما يكون عندنا مشكلة منروحش نصدر ضد كل الكلاب قوانين، ودة تعميم ظالم لما يكونوا عاوزين يتم مصادرتهم.
وتابعت: الناس اللي غلطت تتعاقب بلايحة القانون، احنا نعاقب الناس لكن منصادرش الكلاب كلها لمجرد حادثة، ولو هنمشي بالمنطق دة، نحبس كل البشر بما إن في حوادث دبح وقتل كتيرة الفترة اللي فاتت.
واختتمت: إحنا محاطين بناس بتقتل بعض فمش هنروح نحبس الكل عشان دول بيغلطوا، وكذلك حوادث العربيات والأخطاء هل معناه نمنع كل السيارات، طبعا لا، فبالتالي مصادرة الكلاب كلها لمجرد حادث هو أمر غير علمي أو منطقي أو إنساني.
