علقت الفنانة إليسا على الهجوم الذي يطولها من بعض المتنمرين عليها، وخاصة على فمها، إلى جانب حديثها عن مفهوم الأمومة في حياتها، مشيرة إلى أن الأبناء لا يعتبرون سندًا.
أبرز تصريحات إليسا التليفزيونية
-مش بزعل لما حد بيتنمر عليا، أنا بزعل عليهم لأن إزاي عايشين حياتهم؟.
– شوفت فلتر بيتمسخروا على فمي، وده آخر همي إني أركز.. أنا إليسا يا حبيبي.
– أنا عملت كل حاجة في حياتي لكن أنت اللي بتتنمر مين؟، أنت معندكش وجود وصورتك افتراضية.
– أنا عملت نفسي بنفسي.. وفي بداياتي مكنش حد مؤمن بيا.
– لما ببص لـ 23 سنة اللي مروا، واللي أنا قدمته أو حققته، بكون فخورة بنفسي.
– بستغرب لما حد بيتكلم عن نجوميتي وبينسوا القاعدة الجماهيرية والجمهور اللي اتقبلنا ودايما بيخلينا نتحدى نفسنا.
تصريحات إليسا
– روحت عند دكتور نفسي عشان أقول للناس إنكم مش لوحدكوا، أنا زيكم.
– مريت بعلاقات ندمت عليها زي كل بنت لأن في الآخر أنا ست وأكيد مريت بعلاقات حب فاشلة وسامة.
– وقت الزعل محدود والوقت كفيل يداوي أي جرح، وبنتعلم من ده وبنعرف.
– فكرة أن الأبناء سند لأهلهم هو موروث مجتمعي خاطئ.
– بكره كلمة إن لازم تجيبوا ولاد لآخرتكم، ليه مين شاف ولد فضل قاعد مع أهله لما كبروا.
– في أهل ماتوا لوحدهم لأن ولادهم سافروا وسابوهم، فده موروث اجتماعي وكلام غير منطقي، والولاد مش سند.
