خرج المخرج محمد السباعي، نجل المنتجة ناهد فريد شوقي، عن صمته مطالباً بتكريمها عن مجمل أعمالها الفنية، حيث تعد من أهم المنتجين في الوسط الفني.
ونشر محمد السباعي على حسابه الرسمي بـ فيسبوك صورة تجمع بين والدته ناهد فريد شوقي والأعمال التي أنتجتها معلقًا: مش آن الأوان بقى أننا نكرم الهانم صانعة الفن الجميل.. الهانم ناهد فريد شوقي.
رسالة المخرج محمد السباعي
كما كتب محمد السباعي على حسابه الشخصي بـ انستجرام: “حلوة فيا و في حياتي.. اجمل و ارق و احن و أطيب وأجدع أم في الدنيا.. بحبك و بحترمك و بقدرك كإنسانة قبل حبي ليكي علشان أمي.. شكرا للي علمتني الرجولة و المسؤولية مع أني طلعت عينها.. شكرا للي ربتني علي الإحترام والذوق.. شكرا علشان إحساس الأمان اللي بحسه بمجرد ما أسمع صوتك.. شكرا لأنك خلتيني أمشي دايمًا رافع راسي و فخور بيكي وبكلام الناس عنك.. شكرا علشان حاربتي دايمًا علشان فنك و عمرك ما قبلتي أي ضغط أو ظروف لتغيير شخصيتك أو قراراتك”.
وأضاف:” شكرا لحكمتك و رزانتك اللي العالم كله نفسه يبقي زيك فيها.. شكرا لمساعدتك دايمآ ليا رغم استهتاري كتير وأنا صغير.. شكرا لأني مهما كنت بعمل ايه و بنتخانق أو تزعقيلي، بس عمرك ما حسستيني أنك مش بتحبيني مهما عملت.. و دايمًا عارف غلاوتي عندك اللي مفيش زيها في الدنيا شكرًا على الدلع اللي محدش في الدنيا أدلع زيه.. وشكرًا علي حضنك اللي بيحسسني أني في الجنة”.
واختتم: “أنتي أحلي رزق ربنا ممكن يرزق بيه حد.. أنا بحس إن ربنا بيحبني علشان اختارني أبقى ابنك.. بحبك اكتر من نفسي و من الدنيا و ما فيها”.
