فجر المستشار ياسر قنطوش، محامي الفنانة شيرين عبد الوهاب، مفاجأة عن شقيقها والبلاغ المقدم ضده.
وقال المحامي، إنه سيتنازل عن البلاغ وإنه يدعم شيرين وعائلتها، وأنه فور علمه بالحقيقة أخذ قرار التنازل عن البلاغ، مؤكدًا أنه لم يكن يعرف الحقيقة وقت تقديم البلاغ.
وأوضح ياسر قنطوش،: “أنا مع أهلها وأي حد مع شيرين أنا معاه، اللي أنا عايز أوصله للأستاذ محمد أخو شيرين، اللي بيقول عليا إني مع مجموعة عصابة، وأنا هسامحه في الكلمة دي علشان خاطر شيرين بس، فأنا مش معاهم”.
محامي شيرين عبد الوهاب يدافع عن نفسه
وتابع المحامي،: “أنا محامي شيرين من 3 شهور بس، وكل اللي عملته إني جبتلها حقها من حسام حبيب، ولو أنا وجهت اتهام لأخيها بسوء فهم أنا هبعت حد يتنازل عنه، لأني مش ضد شيرين ولا ضد أهلها”.
وأكد ياسر قنطوش، أن الفنانة شيرين عبد الوهاب، تتواجد في أحد المستشفيات بسبب وجود تقرير طبي يؤكد ضرورة تلقيها العلاج، موضحًا: “المستشفي جابت تقرير طبي فيه مستندات بتقول انها مريضة ومحتاجه علاج، ولما عرفت كده خدت بعضي ومشيت علطول وانسحبت فورًا مكملتش”.
تصريحات شقيقها محمد عبد الوهاب
قال محمد عبد الوهاب، شقيق المطربة شيرين عبد الوهاب، إنه أدخل شقيقته المستشفى عنوة حتى يتم علاجها من المخدرات التي أدمنتها مع حسام حبيب، موضحًا: “دخلت أختي المستشفى عشان بتشرب مخدرات وأختي بتضيع وواقعة في عصابة زوجها السابق حسام حبيب والمنتجة سارة الطباخ”.
شيرين عبد الوهاب تتنازل عن القضايا
وأردف: “حسام حبيب منذ أسبوع تصالح مع شيرين قضائيًا وهي تنازلت عن القضايا اللي ضده ولكن هو لم يتنازل عن أى قضية، وشيرين لسة مأجرة شقة في التجمع روحت جبتها منها لأنهم بيتعاطوا المخدرات فيها”.
وأكد: “ماما هي اللي كانت بتخليني أسكت، وقالتلي انقذ أختك من حسام، أختي بتتعرض لعصابة، حسام وسارة حاطين برنامج تجسس على الموبايل بتاعها، وأنا مش هسيب أختي غير لما أرجعها لجمهورها وأهلها”.
