ذكر الملحن عمرو مصطفى، رأيه في الأغاني التي تحقق ملايين المشاهدات بعد ساعات قليلة من طرحها خلال مواقع التواصل الاجتماعي، مؤكدًا أن ذلك كدبة ليس حقيقي.
تصريحات عمرو مصطفى
وقال عمرو مصطفى في تصريحات لـThe Insider بالعربي:” أول ما الأغنية ما بتنزل بعد ساعات تحقق مليون مشاهدة، دي كدبة كبيرة مش حقيقة.. كداب دي مبتحصلش في مطربين برة، يعني قعدت مع شركة وقالت لي يا عمرو فيه ناس عندهم 70 مليون مشاهدة، لكن الحقيقي بتاعهم ميكملش 10 آلاف مشاهد”.
وعن أغنية مي فاروق، قال عمرو مصطفى: “الأغنية أغنيتها حققت 450 ألف مشاهدة.. عايز منهم 20 ألف واحد في كل حفلة، يعني لما أسافر كذا بلد ويحضر 20 ألف من كل بلد، حفلتي هتبقى مكسرة الدنيا”.
تعليق عمرو مصطفى على المهرجانات
وكان قد أعرب المطرب والملحن عمرو مصطفي عن غضبه من أغاني المهرجانات قائلا:” المهرجانات دي كانت نازلة علشان تغير الهوية العربية والنوع دا مش بتاعي ومش هقدر أعمله”.
وأضاف عمرو مصطفى خلال لقائه في برنامج “the insider بالعربي”:” بس أنا لو عملته أبقي بهين كل التاريخ اللي أنا عملته وأنت لازم تحافظ علي اللي قدمته للناس علشان في الآخر ليك رسالة يا إما الناس هتفتكرها بالخير يا إما هتكون إنسانا ماديا “.
وتابع:” أنا النهاردة ذاكرت المزيكا 3 سنين علشان أقدر أطلع بالافكار دى والموضوع مجاش صدفة مصحتش من النوم قلت أنا هجيب مطرب بالذكاء الاصطناعي أنا بدرس الموسيقى وأزمنتها وإزاي تتحكم في عقل وقلب البني أدم وإزاي تقدر تعمل مزيكا تخرجك من مودك”.
وكان قد نشر عمرو مصطفى صورة لشخص يظهر بملامح كرتونية، وهي تحويل الصورة العادية إلى صورة بالذكاء الاصطناعي، معلناً أنه سيقدم أول مطرب ai (الذكاء الاصطناعي) في العالم”.
