أفصح الفنان سامر أبو طالب عن زوجته الفنانة رنا سماحه لحلمها بعمل دوتو غنائي مع الفنان تامر حسني قائلاً ل”هنا القاهرة”: “نفسها تعمل دوتو مع تامر حسني”، وقالت رنا سماحه ل”هنا القاهرة”: “تامر حسني بنسبالي هو مش مجرد نجم كبير و خلاص.. هو نجم حتي ف أخلاقه”.
وعبرت رنا سماحه عن مدي إعجابها الشديد بفن تامر حسني وطموحه قائلة ل”هنا القاهرة”: “فنان و انسان و طموح.. و طول الوقت بيشتغل علي نفسه و مبيقولش لا خلاص انا بيج استار و اوقف شغل و طموحي لحد كدا.. طول الوقت عنده جديد.. طول الوقت بيحاول يطور من نفسه.. و دي حاجه من الحاجات الي انا بتعلمها من تامر حسني”
عبرت رنا سماحه عن إعجابها بالفنانة القديرة سعاد حسني، حيث قالت ل”هنا القاهرة”: “اول ما طلعت كان نفسي ابقي زي سعاد حسني.. عشان هي يمكن من الفنانات القليلات الي حققت في فكره الفنان الشامل.. عملت كل حاجه.. غني و تمثيل و رقص و كل حاجه، سعاد حسني قفلت المنهج زي ما بيقولو”.
وكشفت رنا سماحه ل”هنا القاهرة”عن حبها لأفلام سعاد حسني و خاصةً فيلم الذي يحمل اسم “صغيرة علي الحب” حيث قالت ل “هنا القاهرة”: “بحب اوي فيلم صغيره علي الحب و دائما بيجي ف بالي ليه ميتعملش زيو دلوقتي”، وأشارت أنها تتمني أن تكون مثلها في يوم من الأيام قائلة: “انا لو بتمني اعمل حاجه هعمل حاجه لسعاد حسني”.
