أمير عيد: جربت كل أنواع المخدرات إلا الكحول

كشف الفنان أمير عيد عن حقيقة تناوله المخدرات، وكذلك عن خطته في الحياة موضحاً وجهة نظره في سبب خلق الإنسان.

تصريحات أمير عيد 

وقال أمير عيد خلال تصريحات تليفزيونية: “عمري ما عملت خطة في حياتي واتنفذت.. وأنا خطتي في الحياة هو النهارده وبشوف كل 5 ساعات بفكر أعمل إيه، وبشوف إن مفيش حد زي حد يعني العسيلي هو واحد ونفس الكلام على إيهاب توفيق أو محمد منير.. وفيه ناس صوتها حلو جدا”.

وأضاف أمير عيد: “الفنان زمان كان مفكر.. وبشوف إن حكيم بينشر البهجة والسعادة، ومعرفش الإنسان اتخلق ليه، ولكن بشوف إن لازم الإنسان ينتصر لإنسانيته وإنك تكسب نفسك كـ إنسان”.

حقيقة تناول أمير عيد المخدرات

أوضح أمير عيد: “مبضربش أي حاجة خالص وجربت كل حاجة في المخدرات من باب الفضول، ولكن مجربتش الكحول، ولو بشرب هقول مش هخجل من كده”.

قال أمير عيد:” أنتوا قررتوا أني قدوة، ولكن أنا مش شايف نفسي قدوة.. أنا إنسان مش قدوة.. وفكرة الفنان قدوة كرهتنا في فنانين كتير أوي، وتغلبت على فكرة القدوة واعتبرت نفسي إنسان على طبيعتي”.

وأضاف أمير عيد: “في مره كنت عامل أغنية وحد شتمني عليها.. كنت قايم أضربه بطبيعتي، ولكن لقيت صاحبي بيقولي أنت شخصية عامة فرحت، ولكن مقدرتش معملش كده، ولما حد بيقولي أنا بحبك أوي بحس أني مستحقش ده لأنه قالها بزيادة جدًا.. وهو ممكن يكون أحسن مني بكتير.. وأنا عارف نفسي وبيجيلي أفكار وحشة لأني بني آدم في الآخر”.

واختتم:” الكلام الحلو الكتير ممكن تصدقه ونفس الكلام لو قال كلام وحش، ولو حد تجاوز برد عليه وبشتمه.. وأنا متلصن بالعافية أني أحافظ على نفسي كـ بني آدم”.