تصدر اسم الفنانة هند عاكف، محرك البحث “جوجل”، وذلك بعد عرض حلقتها في برنامج ” نص الكلام ” مع الإعلامية راغدة شلهوب، والتي تحدثت خلاله عن تفاصيل أزمتها في حفل افتتاح مهرجان القاهرة السينمائي في دورته الأخيرة الـ 44، وعن إطلالتها المختلفة في المهرجانات الفنية، كما وجهت رسالة للنجم حسين فهمي.

هل سيهرب جمال في الحلقات القادمة؟.. ملخص لأحداث الغرفة 207

هند عاكف تتحدث عن ازمتها في مهرجان القاهرة السينمائي 44 

وقالت هند عاكف، أن الأزمة التي حدثت لها خلال حفل افتتاح مهرجان القاهرة السينمائي في دورته الـ٤٤، بعدما انفعلت على الأمن لعدم سماحهم بالدخول لها، أن السبب فيها هو عدم حصولها على دعوة، حيث أخبرها مكتب الفنان حسين فهمي، بأن الدعوات ااخاصة بالفنانين مع نقابة المهن التمثيلية، ما جعلها تتواصل مع النقيب الفنان أشرف زكي، الذي نفى لها ذلك الكلام في رسالة صوتية،جاء مضمونها:”مفيش الكلام ده”.

هند عاكف :بلبس حاجات غريبة بس مبأذيش حد

وردت الفنانة هند عاكف على إطلالاتها الغريبة التي تظهر بها في المهرجانات الفنية، حيث قالت”: “أنا بلبس حاجات غريبة بس مبأذيش حد علشان أبقى بخالف الدريس كود والدريس كود على عيني وعلى راسي بس لو اتبعتلي دعوة واتطلب مني عدم مخالفته، لكن أناجيت ليه تحرجوني، والمهرجان ده لو مهرجان خاص لو قطعتي رقبتي ما كنتش روحت من غير دعوة لكن ده مهرجان بلدي دي مش حفلة واللي حصل معايا ده إساءة وماكنش يجب إنه يحدث أبداً، وبطالب أستاذ حسين فهمي لازم ينتقى الكشف بتاع المدعوين ومين الناس اللي تستحق وعلى رأسهم الفنانين وبعد كده أي حد تاني”.

هند عاكف: في ناس كتير كانت لابسة فساتين كتير مستفزة منهم سلمى أبو ضيف وهبة السيسي

وأكدت الفنانة هند عاكف أنه إذا لم يتم دعوتها بسبب إطلالاتها الغريبة، فهناك فنانات قد ارتدين ملابس مستفزة أكثر منها، مُضيفة:” ولو هما مرضيوش يبعتولي دعوة علشان لبسي ففي ناس كتير كانت لابسة فساتين كتير مستفزة وفيها إثارة والشارع مش بيحبها منهم الفنانة سلمى أبو ضيف وهبة السيسي وأكتر من حد تاني والبلوجر بيروحوا علشان يتصوروا على الريد كاربت مش علشان شغل لكن أنا بحضر الأفلام علشان أتعلم لغاية النهاردة”.

بكاء هند عاكف

وانهارت هند عاكف من البكاء من عدم دعوتها بسبب أنها كانت دائمة التردد على مهرجان القاهرة السينمائي، حيث قالت: “ينفع الكلام ده مع فنانة بتشتغل وهي عندها 4 سنين، أنا كنت بدخل المهرجان ده والدعوة بتبقى في العربية، الدعوة كانت من زميل مش هذكر اسمه، قالي يا هند أنا شفت الفيديو بتاعك وانتي عايزة تروحي المهرجان، قولتله أيوه أنا عايزة أروح، قالي أنا مش هروح عندي ظروف ومسافر، أنا هبعتلك دعوتي، معرفش بقى فيه أسامي أو مفيش أسامي، قولتله أوكيه، قالي بس متبلغيش حد إني اديتك دعوة عشان هم ممكن يبعتولك دعوة، لو بعتولك دعوة هاتيلي الدعوة، عشان ممكن أديها لحد تاني ”

وأكدت هند عاكف على أنها كانت ذاهبة بالدعوة، لكن الدعوة قد اختفت فجأة ولم تعرف مكانها، مُضيفة : “يومها أنا نزلت كنت ماسكة الفستان، وكنت نازلة بالدعوة من البيت، أنا دمعتي نزلت دلوقتي عشان صعبان عليا تاريخي وتاريخ عيلة عاكف، اللي أنا شايلاه طول عمري ومحافظة عليه، يقوم المنظمين يعملوا كده، وكان فيه لازم أورود يتاخد، أنا معرفش راحت فين الدعوة، ولقيت نفسي وصلت، قولت استحالة يعملوا معايا موقف زي ده، لازم يدخلوني، أو يتصلوا بالإدارة جوه وهيدخلوني من غير مشاكل، أنا ليا تاريخ بجد أنا مش بهزر، أيا كان كبير أو صغير، أنا ليا تاريخ وليا وضعي وأعمالي الفنية المحترمة، بغض النظر إني بعدت شوية وليا تاريخ أيضا في الفترة اللي بعدها، أنا مبعدتش عشان اتفسح أنا كنت بعمل حاجة لصالح بلدي وللمواطن المصري”.

رسالة هند عاكف للفنان حسين فهمي

ووجهت هند عاكف رسالة للفنان حسين فهمي، مُضيفة: “أنا هعتب على الأستاذ حسين فهمي، كرئيس مهرجان مش كفنان، المفروض يا أستاذ حسين كنت بلغت إدارة التنظيم إن لو حصل مشكلة نحلها إزاي؟ لو حصل مشكلة على الريد كاربت، وفيه فنان أو فنان جاي هيدخل بيته أو بيتها، ده بيتي المفروض، يقولولها اتفضلي، محدش يمنعها، أولا لتجنب المشاكل، ثانياً، لإن إحنا فنانين، والمهرجان ده مهرجان بلدنا ومهرجانا إحنا”.

وقالت هند عاكف أنه لابد من دعوة الفنانين قبل البلوجر، مُضيفة: “بيقولوا القاعة بتتسع لـ 1050 كرسي فقط، ومش هنقدر نستوعب كل الفنانين أو مش هنقدر ندعي كل الفنانين، لو الدعوات راحت للفنانين بس، الناس كانت هتدخل وترتاح، البلوجر مع احترامي ليهم، الفنان الأول وبعدين البلوجر، السنة اللي فاتت كان قاعد جنبي 3 فيهم 2 دكاترة، وميطلعش البلوجر على الريد كاربت وهند عاكف ميتبعتلهاش دعوة، وعادي آخد دعوة من زميل، وأنا جهزت نفسي وعايزة أروح مهرجاني، وعايز أتابع المهرجان، والناس تعرف إني رجعت، وكانوا بيمنعوني، قولتلهم استحالة الدعوة نسيتها فعلاً، وأنا أول مرة أقول كده، وده عادي ممكن زميل يقولي معاكي دعوة زيادة”.

وأكدت هند عاكف على معرفة الفنان حسين فهمي بذهابها إليه، مُضيفة: ” ساعات في المهرجانات اللي فاتت كانت الدعوة بتكون في العربية وأدخل عادي، وحسين فهمي عمل تقريباً مداخلة، قال هند تقريباً جات المقر، وأنا طبعاً مقولتش إني عاملة فستان ودريس، أنا طبعاً مقولتش الكلام ده، يمكن هم بلغوا رسالة غلط، مرحتش أوريهم الفستان هدخل بيه أو مش هدخل بيه؟، لكن هو ما دام عرف إني جيت المقر، يعني أنا عايزة أحضر المهرجان، وكلمتك يا أستاذ، كان ممكن يقول هاتي دريس يصلح للمهرجان، والمفروض كان يكون في تعليمات، والمشكلة اتحلت في ثواني على فكرة، وفي أكتر من شخص تدخل بصراحة”.

ملخص الحلقة 25من مسلسل الضاحك الباكي

هند عاطف : ريهام حجاج تفوقت على مي عمر.. ورانيا يوسف أفضل من روبي في الإغراء 

وأشارت هند عاكف إلى رغبتها الشديدة في التمثيل مع محمد هنيدي و محمد رمضان، لافتة إلى أن ريهام حجاج قد تفوقت على مي عمر، ولكنها لابد أن تتخلى عن انفعالاتها المبالغ فيها.

وقالت هند عاكف أن منى زكي أفضل من هند صبري، وأن رانيا يوسف هي الأجدر لتجسيد أدوار الإغراء أكثر من روبي