المرض بتاعه صعب.. الصحة لا يعرف قيمتها إلا المرضى
![](https://honaalkaheera.com/wp-content/uploads/2023/07/المرض-بتاعه-صعب-الصحة-لا-يعرف-قيمتها-إلا-المرضى.jpg)
تحدث الفنان محمد ثروت عن تفاصيل الحالة الصحية لنجله المخرج أحمد ثروت، بعدما تعرضه لوعكة صحية مؤخرًا، مشيرًا إلى أن مرضه صعب لكن في تحسن ملحوظ.
تصريحات محمد ثروت
وقال محمد ثروت خلال مداخلة هاتفية ببرنامج “مساء دي إم سي”: “ربنا أراد إن ابني بفضل دعوات الناس يرجع يقف على حيله تاني، وربنا ما يحكم على حد بالمرض، والصحة بالفعل تاج على رؤوس الأصحاء لا يعرف قيمتها إلا المرضى”
وأضاف:” أحمد بدأ في المشي خلال الأيام الأخيرة وكانت لحظات مؤثرة في حياتنا، المرض بتاعه صعب ولكن احنا عندنا صبر واحدة واحدة هيرجع تاني”.
مرض نجل محمد ثروت
كان قد أعلن المخرج أحمد ثروت عن تعافيه من المرض بعد صراع أكثر من 160 يومًا، مشيرًا إلى أنه بدأ في الحركة بعد مئات المحاولات.
وكتب أحمد ثروت عبر حسابه الشخصي بموقع التواصل الاجتماعي “انستجرام”: “الحمد لله كرم من ربنا و بفضل دعواتكم انهاردة بعد 160 يوم صراع مع متلازمة ميلر فيشر، اول يوم انجح اني اقف تاني علي رجلي بعد عشارت الاسابيع ومئات المحاولات”.
وأضاف: “اتعلمت كتير من اختبار ربنا ليا، اتعلمت الرضا والحمد علي كل حال وان ستر ربنا علينا فوق كل شيء ومدي تحملك بيجي معاه كرمه ليك فالاخر وانه مش هيخذلك طول مانت مسلم امرك وان عادي ممكن ابتدي تاني كل حاجة من الاول وان لسه في امل طول ما في حياة”.
وتابع:” ربنا الهمني في اول الاصابة اني اوثق الاختبار دة من اول يوم حتي الان، ودة عشان اول ما اقوم ان شاء الله اتمني اكون سبب ف التوعيه لمثل هذه الامراض النادرة وازاي لو لقدر الله اتصابت انت بيها او حد قريب منك تتعامل معاه ازاي لأن جزء كبير من التعافي هو الحالة النفسية للمصاب”.
واستكمل: “حابب اقول حاجة من قلبي بجد، الكرم الي ربنا كرمني بيه دة نور لي حاجات كتيرة، خلاني اقعد مع نفسي اقيمها وعرفني قيمة نعمة نعمة هو مديهالي زي اني ادخل الحمام لوحدي او اعرف اكل لوحدي او امشي خطوة او حتي اتحكم ف جسمي والي معظم الناس ماتعرفوش اني كنت فقدت بصري لاسابيع ف عيني اليسري وفقدت القدرة علي التحكم فالكلام لاكثر من شهر”.