تحدثت الفنانة إنتصار، معربة عن استيائها من تسليط الضوء على الأشخاص الذين يريدون تصدر التريند بطرق غريبة مثل الغناء دون موهبة، والطبخ في غرفة النوم، في حين أنه يتم تجاهل المخترعين وأوائل الجمهورية.
تصريحات إنتصار
وقالت إنتصار، في مقدمة برنامجها “من غير نفسنة” مع الفنانة بدرية طلبة ونوليا، عبر شاشة قناة “هي”: أوعوا تفتكروا أن التريند ده وليد اللحظة، علشان محدش يفتكر أنه مخترع التريند، هو زمان لما كان في أغنية بتفرقع وتكسر الدنيا في جميع أنحاء الجمهورية هو ده التريند الحقيقي، ولكن مكناش نعرف اسم تريند، زي مثلًا أغنية لولاكي، ده نسبة التوزيع بتاعها موجود في موسوعة جينيس كعدد أرقام، هي من أعلى الأغاني اللي اتوزعت شرايطها والناس غنتها.
وتابعت إنتصار:” لما البرامج بتنجم اللي معملش حاجة، اللي عمل حاجة بجد بيزعل، لأن ده حظه ووقته واللي المفروض الناس تهتم بيه علشان ياخد طاقة ويكمل، يعني نسيب الأوائل على الإعدادية والعلم والمعرفة والمخترعين، وعمالين نمسك في اللي بيطبخوا على النت واللي بيدور على بومة تحت العربية”.
مقارنة المرأة بـ الرجل
وكانت قد هاجمت الفنانة انتصار السيدات اللاتي يقارن بين أزواجهن وأزواج صديقاتهن، موضحة أنه لا يجب على المرأة التدخل في اختيار أصدقاء زوجها.
واضافت انتصار: “ليه بتحطي نفسك في فك القرش وتحديات، وتحطي نفسك في منافسة إنتي مش قدها، وليه عايزة تحبسي جوزك هو عيل صغير؟ ليه تحطي نفسك في منافسة مع القهوة وحجرين شيشة؟، طبعًا هيختار الماتش والقهوة وحجرين الشيشة، وأقولك هيشتري القهوة، هيشتغل قهوجي وحسابات في القهوة علشان يوريكي أنه لازم ينزل القهوة”.
وتابعت انتصار: “ليه بتعملي له مقارنة بينه وبين ظروف الآخرين؟ ما هو صفاته مش زي صفاتهم، ليه تنكشيه هو هيشيل منك”.
