حلّ الفنان أحمد العوضي، ضيفًا في برنامج صاحبة السعادة والذي تقدمه الإعلامية إسعاد يونس، والمذاع عبر شاشة قناة DMC، وتحدث العوضي عن طفولته وتعاونه مع زوجته النجمة ياسمين عبدالعزيز.
طفولة أحمد العوضي
وتحدث عن طفولته في منطقة عين شمس، موضحًا: أنا معتز جدا بنشأتي وبحب طفولتي في عين شمس، ولسة سايبها من قريب، وبحس إني سفير للطبقة الشعبية والطبقة اللي خرجت منها، وطول الوقت بطلع أقول إني فخور بعين شمس، وأنا بعتز جدا بيهم.
وأضاف: أنا اتربيت في بيئة بسيطة جدا وبيتنا كان 60 متر ووالدي محرمنيش من أي حاجة، ويمكن أنا ناشف شوية عشان أبويا بس اللي رباني، أمي توفت وأنا عندي 9 سنين فمكنش فيه أم. وأي حاجة بنجح فيها لازم أنزل الشارع هناك عشان أشوف رد فعلهم عن ابنهم.
أحمد العوضي وياسمين عبد العزيز
كما أعرب الفنان أحمد العوضي عن سعادته بالتعاون الثاني مع زوجته الفنانة ياسمين عبد العزيز في مسلسل ضرب نار، والذي حقق نجاحًا كبيرًا في موسم رمضان 2023، وتصدر العمل محركات البحث على مواقع التواصل الاجتماعي.
وقال العوضي: “كان لينا هدف أنا وياسمين إننا نقدم حاجة حلوة، ومسلسل حلو عشان الناس مستنيانا بعد مسلسل اللي ملوش كبير، وجت من هنا فكرة ضرب نار”.
وأوضح العوضي:” مش واخدين قرار إننا نكون ثنائي، حسب الموضوع اللي قدامنا، ولما عملنا اللي ملوش كبير ونجح حبينا نوثق النجاح ده بضرب نار وممكن السنة الجاية منبقاش مع بعض ورمضان اللي بعده نرجع وهكذا”.
