ظهر نور نجل الفنان هشام سليم، عبر فيديو بث مباشر في حسابه الرسمي على “الانستجرام” ليثير الجدل من جديد حول تحوله الجنسي، حيث دافع عن سارة حجازي مثلية الجنسية التي انتحرت منذ أيام قليلة في كندا.
وقال نور في الفيديو: “اللي راضي بيا ومش راضي بملك الكاشف يبقي منافق، اللي راضي بيا ومش راضي بسارة حجازي يبقي منافق”، مشيرًا إلى أن الكثير سيسند ذلك إلى الدين فقال: ” واللى هيجي يقول لا أصل دا الدين ودا الإسلام، لا دا دينك أنت وحياتك أنت، وبراحتك تفكر بطريقتك بس متفرضش دينك عليا أو على سارة أو على ملك”.
وتابع باكيًا: “فين الإنسانية يا جماعة، اللي هيجي يقول لا أصل انت عادى بس المثليين والمثليات حرام”، كما أكد أنه لم يكن لديه أي خلل هرموني عند تحوله جنسيًا، فقال: “هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا أنا قدام ربنا اللي عملته دا غلط”، كما أضاف أن الجميع يعامله بنفاق منذ الإعلان عن تحوله جنسيًا: “بس أنتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلها”.
واستكمل مستطردًا ما حصل مع سارة حجازي المنتحرة وأيضًا ملك الكاشف المتحولة جنسيًا: “هتقولوا عليا كدا لما أموت؟ عادي مش فارقلي، بس لو أنت بتشرب وبتزني وبتحشش”، مقارنًا نفسه بهم: ” أنا زي زي سارة حجازي، واللي مش راضي بيها مش راضي بيا، واللي مش راضي بيها مش عاوزة عندي”.
وأضاف أنه مستاءًا من الحكم على سارة حجازي بعد انتحارها: “إحنا بني آدمين يا جماعة، الجريمة بتاعتها ايه؟ إنها بتحب البنات؟ أنتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا”.
واختتم نجل الفنان حديثه متسائلًا: “أنتو لو فاكرين لو دا اختيار إني اطلع مثلي أو مثلية يبقوا أنتو مش فاهمين حاجة خالص، ليه اختار إن أنا اتغذب، ليه اختار حاجة زي كدا، فكروا فيها”.
